رباعيات قيلت قبل 25 يناير

رباعيات









يا أمى إبنك أنا يا أمى بحبك موت

عاشق وعشقك سكن وانتى السكن والقوت

إنتى المداد والقلم والجرأه فيكى سكوت



علشانك انتى أنا صخر الوجع راح افوت

******











ياامه اسمعى غنوتى وقوليلى إيه رايك

أبكى على علّتى والا ابكى على قهرك

زمان سمعت اللى قالو واللى قالو كتير

ماينفع اللى انجرح يامه يكون ولدك

************

ياامه كلامى شجن والحب بقى سواح

والقلب منى سكن ولافيش سكن أرتاح

واللى بيدفع بياخد من بلوتى مالاقيش

ساكن فى عشه وألم وابن اللى أخد مفتاح

************

















ياامه دموعى أنا على خدى سقت فدادين

الزرع منى دبل وبناكل يا أمى ف طين

قوليلى ياامه أنا أعمل يا أمى إيه

حارت عيونى أنا أشكى يا أمى لمين

*************

ياامه شوفينى وانا ساكن بموالى

مابين ضلوعى ألم ببكى على حالى

غريب فى دارى ولا عارف أروح على فين

ضمينى ياامه أوى شوقك دا ريسمالى

*************

ياامه أنا غربتى توهه وأسى وأنين

الخوف عليا انكتب وانا جرحى مالوش تسكين

وأسايا فوق الهموم شاهد مالاقى بديل

غير الهروب وانعصر دمى يسيل فناجين

*************









ياامه وبانده يا أمى إزاى عليكى بهون

مهما تكون غربتى مش ممكن يا أمى أخون

حبك ملكنى وحبك فى الحشا ساكن

ومهما كان الألم بيكى أنا مجنون