قلمى فى ايدى --- باكتب ياامى غنوتى
ملاح وتاهت مركبى
والميه لسه صاحبتى
والعوم ماهواش مهنتى
والعتمه هيه العتمه ----- ماسكه ف جتتى
****************
فلاح وغيطى منصبى -- فاسى على كتفى
شايلانى من فوق سكتى
شايله همومى وشكوتى
حالفه لترجع --- زى ما كانت زمان
شايله همومى وحسرتى
****************
شايل على ايدى الكفن -- لجلن اكفن غنوتى
ادفنها فى قبر النغم --- ادفنها داخل جثتى
من غير غسيل او غسل يمنع فرحتى
انا اصلى عاشق --- شعرى هوه جنتى
قلمى فى ايدى -- يشهد بانك قوتى
يشهد بانك -- ماضى -- حاضر
كل وقت ف شدتى
يكتب على صدرى اهات
يرسم على سطور الهوى --- من غير ملامح
اصله يبقى مطيتى
*****************
لساه فى ايدى ----- لساه يحاول فك ايدى
لساه بيكتب --- الف لاه
مش حيكتب غيرها تانى -- لو حياكل عيش ودقه
اشعار
ابراهيم غانم
موضوع: من غير ملامح 
الإثنين ديسمبر 08, 2008 2:34 am